Jamoat transportida to‘lov tizimini takomillashtirish masalasi yuzasidan
Joriy yilning 27-aprel kuni «Metroda to‘lovga cheklov: bir qadam oldinga, ikki qadam orqaga(mi)?» sarlavhasi ostida e’lon qilingan maqola yuzasidan «ATTO» AJ ko‘tarilgan mavzu bo‘yicha quyidagilarni ma’lum qiladi:
Muallifning poytaxtimiz sayyohlari va mehmonlari uchun maksimal darajada qulay sharoitlar yaratish bo‘yicha tashabbusini to‘liq qo‘llab quvvatlaymiz va o’z o’rnida ATTO AJ elektron to’lovlarni qulay, tez, oson va xavfsizligini ta’minlash uchun barcha kerakli choralarga ma’sul va tayyor ekanligini yana bir bor ta’kidlashni lozim deb hisoblaydi.
Hozirgi kunga kelib, metropolitendagi kunlik o’rtacha 740 000 dan ziyod to’lovlar amalga oshirilayotgan bo’lib, ulardan 60% dan ziyodi bank kartalariga to’g’ri kelmoqda. Bitta karta orqali bir vaqtning o‘zida 5ta to’lov amaliyotini bajarilish holatlari — 0,01%ni tashkil etadi.
Jamoat transportidan foydalanish davrida to'lov tez va qulayligini ta'minlash maqsadida metropoliten turniketlarida o'rnatilgan validatorlar bank kartalarni tekkizish davrida ulardan to'g'ridan to'g'ri pul yechish amaliyotini bajarmaydi (bu muolaja onlayn turdagi muolaja bo'lib, turniket oldida ko'p vaqt yo'lovchini kuttirib qo'yadi, savdo terminallarida to'lov o'tkazish vaqti kabi), aksincha, validator bank kartaning ma'lumotini o'zida saqlab olib, turniketlar yo'lovchilarni o'tkazib yuboradi, ma'lumotlar esa keyin ATTO serverlarida qayta ishlanib, kartalar hisobidan mablag'larni yechish uchun ma'lumotlar xizmat ko'rsatuvchi banklarga jo'natiladi. Yo'lovchilarga qo'shimcha qulaylik tarzida bank kartlaridan bir vaqtning o'zida 5 marotabacha to'lov qilish imkoniyati mavjud bo'lib, bu to'lovlar ham yuqorida qayd etilgan tartibda bajariladi.
Qolaversa, o‘zbek, rus va ingliz tillaridagi menyuga ega o‘z-o‘ziga xizmat ko‘rsatish uskunalari (infokiosk) mavjud bo’lib, ular orqali istalgan miqdorda bir martalik QR-chiptalarni xarid qilish mumkin.
Kelgusida sayyohlar uchun guruhli biror tariflarni joriy etish maqsadga muvofiq deb topilsa va mas’ul tashkilotlar tomonidan tegishli qaror qabul qilinsa, «ATTO» AJ ushbu loyihaning to‘liq texnologik ijrosini ta’minlashga tayyorligini ma’lum qiladi.